Eqreqor nədir?

[Hermanubis]

Hər bir ezoterik praktika ilə məşğul olan eqreqorlarla bağlı kifayət qədər məlumata sahib olmalıdır. Astral praktika da istisna deyil.
Yəqin ki, bir qrup insanın gördüyü işin, bir insanın gördüyü işdən çox zaman daha məhsuldar olduğunun hamı fərqindədir.
İnsanların və digər varlıqların diqqətləri bir ideya ətrafında uzun müddət cəmləşəndə metafizik planda bu, eqreqor adlanan enerji-informasiya varlıqlarının yaranmasına gətirib çıxarır. Bu varlıqlar psixi enerji ilə qidalanır. Okkultizmdə birinci və vacib tezislərdən biri deyir: diqqətin haradadırsa, enerji(n) də oradadlr.
Eqreqorlar bəşəriyyət yaranandan var. İlk və ibtidai eqreqorlar ailə, qəbilə, qədim allahların inanclarından yaranan eqreqorlar olublar.
Eqreqorlarla təmas qaçılmazdır, belə ki, bəşəriyyət onların mövcud olduğu reallıqda mövcüddür. Futbol matçı gedən zaman ora astral plandan baxsan, stadionun üzərində bulud şəklində hər iki komanda azarkeşlərinin enerjisindən yaranan eqreqorları görmək olar.


Eqreqorlar mahiyyət etibarilə şüursuz varlıqlardır və onlara qoyulmuş proqram çərçivəsində fəaliyyət göstərirlər, lakin şüurlu varlıqlar kimi onlar da ölürlər. Eqreqorları qidalandıran enerji-toplum məhv olarsa, bu da onların məhvinə və ya "yuxuya" getməsinə gətirib çıxarır. Bir sıra məhv olmuş eqreqorlara, qədim qəbilələr, fəaliyyətini dayandırmış strukturlar, ibtidai insanların sitayiş etdiyi paqanizm dinləri və s. aiddir.
Astral və bu kimi ezoterik praktikalarda eqreqorlardan və onun gücündən istifadə olunur. Eqreqorlar daha çox insanları manipulyasiya edən və onların həyatını dağıdan strukturlar kimi tanınsa da, bu onların mahiyyətini başa düşməməkdən irəli gəlir. Təcrübəli ezoterik eqreqorların imkanlarından çox faydalana bilər.

[Hermanubis]

Eqreqorların Yaradılması

Eqreqorların yaradılması magiya zənciri qanununa əsaslanır. Daha əvvəl qeyd etdiyim kimi, magiya zənciri astralda kollektiv astroideyalar, yəni düşüncələr, arzular və obrazlar yaradır. Magiya zənciri müəyyən bir müddət ərzində israrlı şəkildə fəaliyyət göstərdikdə və bütün üzvləri müəyyən prinsiplərə sadiq qalan və iradələrini müəyyən bir məqsədə yönəldən böyük bir cəmiyyəti təmsil etdikdə, astralda bu cəmiyyətin inancları və məqsədlərinin cəmini təmsil edən müstəqil bir varlıq yaranır. Bu cəm yeni bir varlığın prinsipi kimi çıxış edir və eqreqor adlanır.
Cəmiyyətin üzvlərindən kifayət qədər enerji ehtiyatı alan eqreqor artıq müstəqil bir həyat sürməyə başlayır; lakin onun öz iradəsi tamamilə azad deyil, çünki bütün həyatı onun prinsipini təşkil edən məqsədlərə yönəlmişdir. Digər tərəfdən, o, özü də cəmiyyət üzvlərinə təsir edir və onları həmin məqsədlərə xidmət etməyə məcbur edir. Beləliklə, eqreqor və onu yaradan insan cəmiyyəti arasında qarşılıqlı təsir yaranır.

Yer üzündəki cəmiyyətlər arasında mübarizə zamanı onların eqreqorları olan astral nəhənglər də şiddətli mübarizəyə girir və ya əksinə, bəzən eqreqorlar mübarizəyə başlayır və insanları da bu mübarizəyə cəlb edirlər.

Cəmiyyətin vəfat etmiş üzvləri eqreqorun bir hissəsi kimi çıxış edərək, ölümündən sonra da öz psixi gücləri ilə onu bəsləyirlər. Buna görə də dünyada heç bir ideyanı zorla məhv etmək mümkün deyil. Bir ideya uğrunda şəhid olanlar astralda onu təmsil edən eqreqoru daha da gücləndirirlər.

Yer üzündə cəmiyyət dağılarkən, onun eqreqoru bəzən astralda hələ uzun müddət mövcud olur və cəmiyyətin məqsədlərini həyata keçirməyə çalışır, yeni bir cəmiyyət yaradır və sanki onun içində yenidən doğulur.

Xüsusilə Fransada Tamplier ordeninin taleyində eqreqorun həyatını izləmək maraqlıdır. Məlum olduğu kimi, XIV əsrin əvvəlində Fransa kralı Yaraşıqlı Filip və papa V Klement bu ordeni məhv etdilər, bir çox cəngavəri işgəncələrə məruz qoydular və edam etdilər. Lakin, tökülən qan Tamplier ordeninin eqreqorunu gücləndirdi və bundan sonra onun varlığının şüarı Fransanın Burbon kral ailəsinə və Roma papalarına qarşı barışmaz nifrət oldu, bu da "L. P. D." üç hərfindən ibarət olan sirli devizdə öz əksini tapdı ki, bu da "Lilia (yəni Burbonların gerbi) pedibus destrue" və "Latro Pontifex (yəni papa) deleatur" deməkdir.
O vaxtdan bəri bu eqreqor Burbonların hakimiyyətini və ya papaların taxtını devirmək məqsədi güdən bütün cəmiyyətləri və sui-qəsdləri həyata keçirir, onları dəstəkləyirdi. XVIII əsrdə onların ideyaları özünü, Almaniyada tüğyan edən gizli "maarifçilər" cəmiyyətlərində büruzə etdirdi. XVIII və XIX əsrlərin sərhəddində isə, qasırğa kimi, Fransız inqilabının qəzəbli dalğalarını yüksəltdi və hətta indi də mason lojalarını ruhlandırır. Qeyd edək ki, masonların devizi də eyni sirli L. P. D. hərfləridir, lakin onlar bunu indi başqa cür izah edirlər.

Dünya eqreqorları arasında ilk növbədə iki əsas tipi qeyd etmək lazımdır: xeyir və şər eqreqorları.
Birincisi, rəhmətə getmiş müqəddəslərin, habelə yaşayan yaxşı insanların və xeyirxah düşüncələrin birliyini təmsil edir, ikincisi isə, şər insanların, ölən və ya yaşayan, və şər arzuların və düşüncələrin birliyini təmsil edir. Kabbalada birincisi Mikael, ikincisi Samael adlanır. İkincisi, dində şeytan və ya iblis adlanır.
İnsan inamla hansısa cəmiyyətin devizi olan sözləri söylədikdə və ya işarələrdən istifadə etdikdə, bu, həmin cəmiyyətin eqreqorunu özünə cəlb edir və onu öz xeyrinə yönəldir. Bu, duanın möcüzəvi gücünü, habelə müxtəlif dini işarələrin, məsələn, xristianlıqdakı xaçların, ikonaların və s. təsirini izah edir. Lakin qeyd etmək lazımdır ki, duanın təsirli olması üçün yalnız iradə gücü və iman deyil, həm də duanın məqsədi və motivi də rol oynayır. Bu motiv nə qədər təmiz, mənəvi və fədakar olsa, dua bir o qədər təsirli olur. Əgər dua aşağı səviyyəli və maddi eqoizmdən irəli gəlirsə, onun təsiri də azalır.